-بقلم: محمد دومو -مراكش/ المغرب (خاطرة باللهجة المغربية) فاقت لمحنَّة من نعاسها فيوم وبلا شواري هكذا غفلاتني حسيت براسي كثير مرتاح تبوريشة دافية فالحين سكنتني تهدن الخاطر واستراح ما ينفعني فهاذ الدنيا التايهة  من غير هاذ الإحساس زرعوه بلا ما نشعر أهلي وحبابي فقلبي غلتو مغروسة من زمان  وصاية ميمتي وبويا لحنين تربية عليها نترحم عل الولدين الأصل يعود ال أصلو  من بعد فراق ليام والسنين والخو ما يفوت خوه ولو يهاجر، يتضرݣ ويغيب  وخا آش يطرى ولا يجرى ليه  لازم فيوم ما يحن فخوه  حتى ولو يعذبوه أو يقتلوه كلام قلبي يتسرد فاللحظة حروف  حامل وهايج بمواج لمحبة والصدق العالي ديما صفتو ما يعرف يكذب ولا يراوغ هكذا حسيت فلحظة الحزة  هذا ما كان وعل الله هاذ الشكوى الله يعفو ويغفر لجميع لحباب ويمحن كل من كان فهمي سباب والله يصاوب الحال على ما كان..

  -بقلم: محمد دومو -مراكش/ المغرب طار من جناني لحمام علا كثير فالسما يتنزه فلعلالي ويختار آش من جهة تنفعو مسار خلاني مع وناسو كنعاني وحدي فهاذ الجنان محتار طار معاه الخير الساري بجناحو فدفد هو لاخر وانتاشر بين الناس لي بقاو غير التمكريه والغش والنفاق آش ساير نتسنى هنا ندير آش مزال صالح هنا فجناني كلشي طار وارحل ومشاو ذوك الناس لخيار  جمعو الرحيل وهاجرو لمكان جناني هذا بار من بعد الترحال ما بقى ينتج غلة ولا تمار ولا أصبح مكان فيه لهنا على ما كان غاب حتى النحل من هاذ الجنان تصحر كثير وصابتو العين والݣلسة فيه ما تخليني فرحان

  سفيرة الثقافة العربية  د. نايات الغربة كاتبة الغزل ~  كاذبة الغرام ~ تتلاعب بالحرف ألِـفَهُ حتى الـ ل .. لام ~ ن ـاياتٌ هي ... و، حيٌ  يُ ـرام  متهمة هي ! بالغوى  من رأسها  حتى خُمص الأقدام 😉🤣 وأطراف أهدابها  المسددة للقلوب نحو الصمّام ! سهام ~ مطلوبةً للأنام ~ هلاّ رفعت طاغوتك ... يا إمرأةً هُمام ~ و نسف آياتك  حقول ألغام عن فجر العاشقين ! ليتسنى للبدر في أحضانك أن يهنأ فينام ~ كاذبةُ الهوى أنتِ ~ لاهيةٌ يا ~ أن تِ ... كاذبة الغرام ~

  -بقلم: محمد دومو -مراكش/ المغرب واش لغرام يعذب يا ناس؟! ولا غير وحدي لي منو كنعاني! واش الشوق يخدر لعقل؟! ولا غير أنا لي بغرامي مفتون! شحال من عنتر فالدنيا موجود؟! مجنون بليلى وبحبها مسحور لغرام هذا، زاد فعذاب حالي دخلتو من غير شوار البارح ملهوف  واش حتى لهوى يا ناس خبروني! عندو احكامو وأسرارو؟! ما جاني جواب ال سؤالي! ولا لقيت ال قلبي دوى يكون شافي! أصبحت مجروح، معذب ونقاسي  عايش غريب بين صحابي وحبابي نتلاوح بالموجة ف بحر لغرام ما نعرف نعوم ولا أنا قبطان المد يلوحني من جهة ل الشط والجزر يرغمني معنف ال قاع لبحر